Ahmed Faraz - Is se pehle ke Bewafa ho jayein

Is se pehle ke Bewafa ho jayein
Kion na ae Dost hum juda ho jayein

Tu bhi heeray se ban gaya patthar
Hum bhi jaane kya ho jayein

Tu ke yakta thaa beshumaar huwa
Hum bhi toote tu jaa bajaa ho jayein

Hum bhi majboriyoo ka uzar karein
Phir kaheen aur mubtala ho jayein

Hum agar manzileen na ban payein
Manziloo tak ka raasta ho jayein

Deir se soch mein hain parwaane
Raakh ho jayein ya hawa ho jayein

Ab ke gar tu mile tu hum tujh se
Aise liptay ke qaba ho jayein

Bandagi hum ne chor di hai  Faraz
Kya karein jab log Khuda ho jayein

------------------------------------
Ghazal by Ahmad Faraz

Ahmed Faraz - Suna Hai Loag Usay Aankh Bhar Ke Dekhte Hain

Suna Hai Loag Usay Aankh Bhar Ke Dekhte Hain
So Uss Ke Sheher Mein Kuch Din Theher Ke Dekhte Hain

suna hai rabt hai us ko kharab haloan se
so apne aap ko barbaad kar ke dekhte hain

suna hai dard ki gahak hai chashm-e-naz us ki
so hum bhi uss ki gali se guzar ke dekhte hain

suna hai uss ko bhi hai shair o shairi se shughaf
so hum bhi maujze apne hunar ke dekhte hain

Suna Hai Boley Tou Baaton Se Phool Jhartey Hain
Yeh Baat Hai To Chalo Baat Kar Ke Dekhte Hain

suna hai raat usay chand takta rahta hai
sitare baam falak se utar ke dekhte hain

Suna Hai din Ko Usay Titliyaan Sataati Hai
Suna Hai Raat Ko Jugnoo Theher Ke Dekhte Hain

suna hai aaina tamsal hai jabeen us ki
jo sada dil hain ban sanwar ke dekhte hain

Suna Hai Uss Ke Badan Ki Taraash Aisi Hai
Ke Phool Apni Qabaaein Katar Ke Dekhte Hain

Rukey To Gardishein Uss Ka Tawaaf Karti Hain
Chaley To Uss Ko Zamaaney Theher Ke Dekhte Hain

Kisse Naseeb Ke Be-Pairahan Usay Dekhey
Kabhi Kabhi Dar-O-Deewaar Ghar Ke Dekhte Hain

Kahaaniyaan Hi Sahi, Sab Mubaalghey Hi Sahi
Agar Woh Khawaab Hai, Taabeer Kar Ke Dekhte Hain

Judaaiyaan To Muqadder Hain Phir Bhi Jaan-E-Safar
Kuch Aur Door Zara Saath Chal Ke Dekhte Hain

Too Saamney Hai To Phir Kiyon Yaqeen Nahin Aata
Yeh Baar Baar Jo Aankhon Ko Mal Ke Dekhte Hain

Yeh Kaun Loug Hain Maujood Teri Mehfil Mein
Jo Laalachon Se Tujhey, Mujh Ko Jal Ke Dekhte Hain

Na Tujh Ko Maat Hui Hai Na Mujh Ko Maat Hui
So Ab Ke Donon Hi Chaalein Badal Ke Dekhte Hain

rukay to gardishain us ka tawaf karti hain
chale to us ko zamane thehr ke dekhte hain

suna hai us ke shabistan se mutasil hai bahisht
makeen udhar ke bhi jalwe idhar ke dekhte hain

ab us ke shehr main thehrain ke kooch kar jain
Faraz aao sitare safar ke dekhte hain

Ahmed Faraz - Silsile tod gaya wo sabhi jaate jaate

silsile tod gaya woh sabhi jaate jaate
warna itne to marasim thay ke aate jaate

shikwa-e-zulmat-e-shab se to kahin behtar tha
apne hisse ki koi shama jalate jaate

kitna asaan tha tere hijr mein marna jaana
phir bhi ik umr lagi jaan se jaate jaate

jashn-e-maqtal hi na barpa hua warna hum bhi
paab-joolan hi sahi naachte gaate jaate

uski woh jaane usay paas-e-wafa tha ke na tha
tum Faraz apni taraf se to nibhaate jaate

Jaun Elia - seena dahek raha hai to kyu chup rahe koi

A beautiful ghazal by Jaun Elia

seena dahek raha hai to kyun chup rahe koi
kion cheekh cheekh kar na gala cheel le koi

Sabit Hua Sukoon-E-Dil-O-Jan Kahin Nahi..
Rishton main Dhoondta Hay To Dhoonda Kary Koi..

Tark-E-T'aluqat Koi Mas'la Nahi
Ye to wo raasta hay ke bus Chal Pare Koi..

Diwar Jaanta Tha Jisy Main Wo Dhool Thi..
Ab Mujh Ko Aitamaad Ki Daawat Na De koi..

Main khud ye chahta hon k haalat hon khrab...
Mere khilaf zehr ugalta phire koi

Ay Shakhs Ab To Mujh Ko Sabhi Kuch Qubool hai
Ye bhi Qubool hay Ke tujhe Cheen Le Koi..

Han Theek Hay Main Apni Ana Ka Mareez Hun..
Aakhir Mere mizaj Main Kiyun Dakhal De Koi..

Ik Shakhs Kar raha hay abhi tak Wafa ka zikr..
Kaash Iss Zuban-Daraaz Ka Munh noch Le Koi!!!

Jaun Elia - ashaar aur qataat

Jaun Elia - Mutaffaqir ashaa'r

shayad mujhe kisee se muhabbat nahi huee
laikin yaqeen sab ko dialta raha hoon mein
kal dopehr ajeeb si ek bedili rahi
bus teelian jala ke bujhata raha hoon mein

-----------------------------

bedili kia yunhi din guzar jayenge
sirf zinda rahe hum to mar jayenge
kitni dilkash ho tum, kitna dilju hoon mein
kia sitam hai ke hum log mar jayenge
hai ghanimat ke israr e hasti se hum
bai khabar aye hain be khabar jayenge

------------------------------

kia kahoon jan ko bachane main
Jaun khatra hai jaan jane ka

-------------------------------
Mein bhi buhat ajeeb hun' itna ajeeb hun keh bass...
Khud ko tabah kar liya aur malaal bhi nahin...

----------------------------------

Woh faqat sahan tak he aati thi.....
mein bhi hujrey se kam nikalta tha


Hum ne dekhey thay khwab sholon kay
neend aankhon mein jal gai hog

------------------------------

Main ne har bar tujh se milte waqt
Tujh se milney ki aarzoo ki hai.......
Terey jaaney kay baad bhi mein ne
Teri khush-bu se guft-gu ki hai.....

Fikr -e- ejaad mein gumm hun' mujhay ghafil na samajh...
Apney andaaz par ejaad karunga tujh ko

Elia Jaun kuch nahin karta........
Sirf khush-bu mein rang bharta hai


Aik sada honton par le k' teri gali mein shaam huay se...
Aa nikla hai ik bechara' Allah he dega' Maula he dega...

Mein jo hun' Jaun Elia hun janab
is ka bey-had lihaaz kijye ga

Kabhe jo humne barey maan se basaya tha,
Wo ghar ujarne hi wala hai, ab bhi aa jao !!!

Jisy gaye huy Khud say ab Ik zamana hua....!!!!
Wo ab bhi tum mein Bhatakta hy ab bhi Aa jao...!!!

Daad o' tehseen ka yeh shor hai kion...
Hum tau khud se kalaam kar rahe hain..


Tau kia sach much judai mujh se kar li...
Tau khud apne ko aadha kar lia kia...
bauhat nazdeek ate ja rahe ho
bicharne ka irada kar liya kia

wo apne aap se bhii judaa chaahiye mujhe
us kaa jamaal us ke sivaa chaahiye mujhe

Jaun Elia - Aik gali thi jab us se hum nikle

Aik gali thi jab us se hum nikle
aise nikle ke jaise dum nikle
koocha e aarzoo jo tha us mein
zulm-e-jaana taraa k kham nikle
jo phire dar badar yahan
woh apne ghar se bohot hi kam nikle
jin se dil ka muamla tha
yahan bohot kam e aisay gham nikle
aag dil sheher mein lagi jis din
sab se aakhir mein waan se hum nile
Jaun ye jo wajood hai, ye wajood
kiya banay gi, agar adam nikle

Jaun Elia - kabhi jab muddaton k baad us ka saamna hoga

kabhi jab muddaton ke baad us ka saamna hoga
siwaye paas-e-aadaab-e-takalluf aur kya hoga?

hamare shauq ke asuda-o-khush haal hone tak,
tumhare aarzo-o-gesu ka sauda ho chuka hoga

Navayen, Nik’haten, Asooda Chehre, Dil nashin Rishte …
Magar Ek Shakhs is Mahol Mein kya Sochta Hoga

hansi aati hai mujh ko maslehat ke in taqaazon par
ke ab ik ajnabi ban kar usse pehchan na hoga

daleelon se dawa ka kaam lena sakht mushkil hai
magar is gham ki khaatir yeh hunar bhi sikhna hoga

abhi ek shor-e-hao hoo suna hai sar bano ne
wo pagal qaflay ki zid main peeche rah gaya hoga

hai nisf-e-shab, woh deewana abhi tak ghar nahi aaya
kisi se chandni raaton ka qissa chir gaya hoga

Poet: Jaun Elia

Yun hi besabab na phira karo koi sham ghar bhi raha karo

Abhi rah main kai mor hain koi aye ga koi jaey ga
tumhe jis ne dil se bhula dia  usy bholne ki dua kro

mujhe ishtahar si lagti hain ye mohabbaton ki kahaniyan
jo kaha nahi wo suna karo, jo suna nahi wo kaha karo

Yun hi besabab na phira kro koi sham ghar bhi rha kro
ye ghazal ki sachi kitab hai isy chupky chupky parha karo

Koi haath bhi na milaye ga jo galay milo ge tapak se
ye nae mizaaj ka shehar hai zara faslay se mila karo

ab ke tajdeed-e-wafa ka nahi imkaan jaana - Ahmad Faraz

ab ke tajdeed-e-wafa ka nahi imkaan jana 
yaad kya tujh ko dilayen tera paimaan jaanaa

yun hi mausam ki ada dekh ke yaad aya hai 
kis qadar jald badal jaate hain insaan jana

zindagii teri ataa thi so tere naam ki hai 
ham ne jaise bhi basar ki teraa ehasaan jana

dil ye kehta hai k shaayad ho fasurda tu bhi 
dil ki kyaa baat karen dil to hai nadaan jana

awal-awal ki muhabbat ke nashe yaad to kar 
be-piye bhi tera chehara tha gulistaan jana

aakhir aakhir to ye aalam hai ki ab hosh nah 
rag-e-mina sulag uthi i rag-e-jaan jana

muddaton se ye aalam na tawaqqo na umeed 
dil pukaare hi chala jata hai jana jana

ham bhi kya sada they ham ne bhi samajh rakha tha
Gham-e-dauraan se juda hai Gham-e-jana jana

ab ki kuch aisi saji mahafil-e-yaaraan jana
sar-ba-zaanuu hai koi sar-ba-girebaan jana

har koi apani hii awaaz se kaanp uthata hai 
har koi apane hi saaye se hirasaan jana

jis ko dekho wahii zanjir-ba-paa lagta hai 
shehar ka shehar howa daakhil-e-zindaan jana

ab tera zikar bhi shaayad hi Ghazal mein aaye 
aur se aur howa dard ka unwaan jana

ham k ruthi howi rut ko bhi mana lete they 
ham ne dekha hi na tha mausam-e-hijraan jana

hosh aaya to sabhi Khawaab they reza reza
jaise urhate howe auraaq-e-pareshaan jana

Poet: Ahmad Faraz

bol ek tare jhan jhan jhan jhan

bol ek tare jhan jhan jhan jhan by Josh Malih Abadi 

bol ek tare jhan jhan jhan jhan
bol ek tare jhan jhan jhan jhan
kahkasha hai meri sumran
sham ki surahi mera kundan
noor ka tadka meri chilman
tod chuka hu sare bandhan
purab pashchim utar dakhan
bol ek tare jhan jhan jhan jhan
bol ek tare jhan jhan jhan jhan

tere tan me gulshan sabke
mere man me joban sabke
mere ghat me sachan sabke
meri surat darshan sabke
sabki surat mera darshan
bol ek tare jhan jhan jhan jhan

sabki jholi meri jholi
sabki toli meri toli
sabki holi meri holi
sabki boli meri boli
sabka jiwan mera jiwan
bol ek tare jhan jhan jhan jhan
bol ek tare jhan jhan jhan jhan

sabke kajal mera tare
sabki aankhe mere tare
sabki sanse mere tare
sare insan mere pyare
sari dharti 
sari dharti mera aangan
bol ek tare jhan jhan jhan jhan
bol ek tare jhan jhan jhan jhan
bol ek tare jhan jhan jhan jhan

Holi by Nazir Khayyami

Holi a masterpiece by poet Nazir Khayyami brother of Saghar Khayyami

Sar ka jurha kholey phagun
Baaghon mein ras gholey phagun
Daal-daal par doley phagun
Har-Har-Har-Har boley phagun
Aaj ka mausam rang-a-rang
Holi khelo hamrey sung.

Imaan ko imaan se milao
Irfan ko irfan se milao
Insan ko insan se milao
Geeta ko Qur'an se milao
Dair-o-h-Haram mein ho na jung
Holi khelo hamrey sung.

(Dehaat ki Holi)

Laal sa lehenga neeley naarhey
Saada sa ek ghunghat karhey
Galiyaron par nazrein garhey
Man mandir ke kholey kiwarhe
Aayenge saajan le ke rang
Holi khelo hamrey sung.

(Shehr ki Holi)

Nazuk-nazuk paon mein chappal
Bikhre-bikhre zulf ke baadal
Phaila-phaila aankh ka kaajal
Bheega-bheega goad ka aanchal
Bhari jawaani jumper tung
Holi khelo hamrey sung.

 

Mirza Ghalib Allah Ke Huzoor

Mazahiya Nazm - Nazir Khayami - Ghalib Allah Ke Huzoor

jo meri aankhoan se khwab dekho

jo meri aankhoan se khwab dekho
to aik shab bhi na so sako ge

ke lakh chaho na hans sako ge
hazar chaho na ro sako ge

ke khwab kia hain azab hain ye
meri dukhon ki kitaab hain ye

rafaqatain in main choot ti hain
muhabatain in main rooth ti hain

panapti hain in main wahshatain si
azeeyatain in main phoot ti hain

mehr ki tujh se tawaquh thi

Poet: Mir Taqi Mir

mehr ki tujh se tawaquh thi sitamgar nikla
moam samjhe thay tere dil ko so pathar nikla

jitne he aah tere kooche se koi na phira
jo sitam deeda rah ja ke so mar nikla

dil ki aabadi ki iss had kharabi ke na pooch
jana jana hai ke iss rah se lashkar nikla

ashk tar, qatra khoon, lakht jigar, para dil
aik se aik ad aankh se bah kar nikla

hum ne jana tha likhe ga tu koi harf ae mir
par tera nama to ek shoq ka daftar nikla

ghazal by Mir Taqi Mir

ghussay se uth chale ho jo daman ko jhaar kar
jate rahain ge hum bhi garaiban phaar kar

dil wo nagar nahi ke phir abad ho sake
pachtao ge suno ho ye basti ujaar kar

ya rab rah e talab main koi kab talak phire
taskeen de kar baith raha hoon paoon gaar kar

Amjad Islam Amjad - Kalaam

yahi bauhat hai ke dil us ko dhoond laya hai

kisee ke sath sahi wo nazar to aya hai

Zindagi ke mele main - Amjad Islam Amjad

zindagi ke mele mein
KhvaahishoN ke rele meN
tum se kya kaheN jaanaaN
is qadar jhamele meN
vaqt kii ravaanii hai
baKht kii giraanii hai
sakht bezamiinii hai
saKht lamakaanii hai
hijr ke samandar meN
taKht aur taKhte kii
ek hii kahaanii hai
tum ko jo sunaanii hai

baat go zara sii hai
baat umr bhar kii hai
umr bhar kii baateN kab
do ghaRi meN hotii haiN

dard ke samandar meN
an-ginat jaziire haiN
beshumaar motii haiN
aankh ke dariiche meN
tum ne jo sajaayaa tha
baat us diye kii hai
baat us gile kii hai
jo lahuu kii Khilvat meN
chor ban ke aataa hai
lafz kii fasiiloN par
TuuT TuuT jaataa hai

zindagii se lambii hai
baat rat_jage kii hai
raaste meN kaise ho
baat taKhaliye kii hai

taKhaliye kii baatoN meN
guftguu izaafii hai
pyaar karne vaaloN ko
ik nigaah kaafii hai
ho sake to sun jaayo
ek din akele meN
tum se kya kaheN jaanaaN
is qadar jhamele meN !

khwad toot jate hain by Amjad Islam Amjad

Khwaab TuuT jaate haiN 

bhiiR meN zamaane kii, haath ChhuuT jaate haiN
dost_daar lehje meN silwateN sii paRti haiN
ik zara si ranjish se
shak ki zard Tehni par phuul badgumani ke
is tarah se khilte haiN
zindagi se pyaare bhii
ajnabi se lagte haiN, ghair ban ke milte haiN
umr bhar ki chaahat ko aasra nahiiN milta
Khamushi ke waqfoN meN
baat TuuT jaati hai aur sira nahiiN milta!
m’aazrat ke lafzoN ko raushni nahiiN milti
lazzat-e-paziirai, phir kabhi nahiiN milti
phuul rang vaadoN ki manzileN sukaRti haiN
raah muRne lagti hai
berukhi ke gare se bedili ki mitti se
faasle ki iintoN se, iint juRne lagtii hai
khaak uRne lagtii hai
Khwaab TuuT jaate haiN
vaahmoN ke saaye se, umr bhar ki mehnat ko
pal meN luuT jaate haiN
ik zara si ranjish se
saath ChhuuT haiN
bhiiR meN zamane kii
haath ChhuuT jaate haiN
Khwaab TuuT jaate haiN

hum log - Amjad Islam Amjad

hum log by Amjad Islam Amjad

daaiyroN meN chalte haiN!
daaiyroN meN chalne se
daaire to bhaRte haiN
faasle nahiiN ghaTte!!

aarzuueN chalti haiN
jis taraf ko jaate haiN
manzileN tamannaa kii
saath saath chalti haiN!

gard uRti rehti hai
dard baRhtaa jaata hai
raaste nahiiN ghaTte!

subah dam sitaaroN kii tez jhilmilaahaT ko
raushni ki aamad ka pesh baab kehte haiN
ik kiran jo milti hai, aftaab kehte haiN
daaira badalne ko inqelaab kehte haiN!

Bewafai ki mushkilain - Amjad Islam Amjad

Bewafai ki mushkilain

jo tum ne Thhaan hi lii hai
hamaare dil se nikloge
to itnaa jaan lo pyaare
vafa ki siiRhioN par har qadam phaila hua
yeh aarzuuoN ka lahu zaaya' na jaayega!
samundar saamne hoga, agar saahil se nikloge!


sitaare, jin kii aaNkhoN ne hameN ik saath dekhaa hai,
gavaahii dene aayeNge!
puraane kaaghazoN ki balkoni se bahut se lafz jhaankeNge,
tumheiN vaapas bulaayeNge!
kaii vaade, fasaadii qarz_KhwahoN ki tarah raste meiN rokeNge
tumheiN daaman se pakReNge
tumhaari jaan khaayeNge!


Chhupa kar kis tarah chehra
bhari mehfil se nikloge?!
zara phir soch lo jaanaN,
nikal to jaayoge shaayad,
magar mushkil se nikloge!!

Muhabbat ki aik nazm - Amjad Islam Amjad

Muhabbat ki aik nazm by Amjad Islam Amjad

Agar kabhi meri yaad aaey
To chand ratoon ki narm dilgeer roshni main
Kisi sitarey ko dekh lena
Agar who nakhle falak se ur kar tumharey qadmoo’n mey aa girey to
Yeh jan lena, who esteaara thaa mere dil ka,
Agar naa aaey…..
Magar yeh mumkin hi kis tarha hai keh tum kisi per nigah dalo
To us ki dewar e jaa’n naa tootey
Who apni hasti naa bhool jaey!

Agar kabhi meri yaad aaey
Guraiz karti hawa ki lehroo’n pe hath rakhna
Main khushboo’n mey tumhey miloo’n ga
Mujhey gulab ki patioo’n mey talash karna
Mein ous qatroo’n kay aainoo’n mey tumhey miloo’n gaa

Agar sitaroo’n mey, ous khatroo’n mey, khushboo’n mey’ na pao mujh ko
To apney Qadmoo’n mey dekh lena
Mey gard hoti musafatoo’n mey tumhey miloo’n ga
Kahee’n pe roshan chiragh dekho to jan lena
Keh har patingey kay sath mey bhee bikhar chukka hoo’n
Tum apney haatoo’n sey un patingoo’n ki khaak darya mey daal dena
Mey khaak ban kar samandaroo’n mey safar karoo’n gaa
Kisi na dekhey hoey jazirey pe ruk kay tum ko sadaein doon gaa
Samandaroo’n kay safar peh niklo to us jazirey peh bhee utarna

Happy Birthday Sonia

Aaj tumhari Salgirah hai dekho hum ko yaad hai na...!!  

jalti shamein roshan chehre
kamni ladiyaan nazuk sehray
nargis,bela,motia,lala
juhi,champa aur banafsha
har koi shaad hai naa
aaj tumhari saalgirah hai
dekho hum ko yaad hai na

hum tou sirf duago log
khaak o maher ka kya sanjoug
paas rahein ya door rahein
wehshat se ranjoor rahein
mehfil tou aabaad hai na
aaj tumhari saalgirah hai
dekho hum ko yaad hai na

tark e taaluq khoob kiya
dil per kari waar saha
nouch di konpal chahat ki
aas na rakhi raahat ki
dil mehv e fariyaad hai na
aaj tumhari saalgirah hai
dekho hum ko yaad hai na

kaise kaise khwaab bunay
rang brange khwaab chunay
saalgirah ka cake katey ga
haath pe un ka haath rahe ga
khwaab har aik barbaad hai na
aaj tumhari saalgirah hai
dekho hum ko yaad hai na.....!!!

Dedicated to someone I loved more than anyone in my life, I hope she is happy no matter where ever she is!!!!

Naqsh fariyadi Mirza Ghalib

Naqsh fariyadi by Mirza Ghalib

نقش فریادی ہے کس کی شوخیِ تحریر کا

کاغذی ہے پیرہن ہر پیکرِ تصویر کا

Naqsh faryadi hai kis ki shokhi-e tahrir ka
kaghazi hai pairahan her paikar-e tasvir ka

kav kav-e sakht jani hai tanhai, na puchh
subh karna sham ka, lana hai ju-e shir ka

jazba-e be ikhtiar-e shauq dekha chahiye
sin’a-e shamshir se bahar hai dam shamshir ka

agahi dam-e shanidan jis qadar chahe bichhae
muddaa unqa hai apne alam-e taqrir ka

bas ke hun Ghalib asiri men bhi atish zer pa
mue atish dida hai halqa meri zanjir ka

Kya bood o bash poocho ho

Kya Bood-o-Bash poocho ho poorab k saakino
hum ko ghareeb jan ke, hans hans pukar ke
dilli ke aik shehar tha, alam main intekhab
rehte the jahan muntakhab hi rozgaar ke
usko falak ne loot ke weraan ker diya
hum rehne wale hain usi ujrey deyaar ke

Poet: Mir Taqi Mir

Bazigh Bihari

Enayat Ali Khan- Aao Bachcho Suno kahani

poem Bol meri machli kitna pani

Dr. Pirzada Qasim recites his poetry [mehfil e mushaira]

Ahmed Nadeem Qasmi - Nazm - Watan ke liye dua

khuda kare ke meri arz e pak par utre

wo fasl e gul jise andesha e zawal na ho

Muneer Niazi - Hameisha deir kar deita hooN

hamesha dair kar deta hoon main

Habib Jalib - Sar e Mimber Woh Khawboon Kay Mehal Tameer Kartay Hein

sar e mimbar wo khwabon ke mahal tameer karte hain
ilaj e gham nahi karte faqat taqreer karte hain
bahal alam khuda ka shukar keeje un ka kahna hay
khata karte hain hum jo shikwa e taqdeer karte hain
hamari shayari main dil dharakrta hai zamane ka
wo nalaan hai hamari loag kion tauqeer karte hain
haseen ankhoan madhur geeton ke sundar des ko khokar
main hairaan hoon wo zikr e wadi e Kashmir karte hain

Habib Jalib (Main nahi manta + Zulmat ko Zia kia likhna)

main nahi manta main nahi janta

[Ghazal] Parveen Shakir - Chalne ka hausla nahiN .. ..

Dilawar Figar* - Dil'e shayer pa jo .. ..

hasti apni ahbab ki si hai

hasti apni ahbab ki see hai
ye numaish sarab kee see hai
nazuki us ke lab ki kia kahiye
pankhri ek gulab ki see hai
main jo bola kaha ke ye awaz
usi khana kharab ki si hai
mir un neem baz ankhoan main
sari masti sharab ki see hai

us ko chaha bhi by Mir Taqi Mir

usko chaha bhi izhar na karna aya

umr kat gayee hamain pyar na karna aya

us ne manga bhi to judai mangi

aur hum thay ke hamain pyar na karna aya